தமிழ் நடிகையை திருமணம் செய்யப்போகும் Big Boss கவிஞர் சினேகன் !
திரைத்துறையில் கிராமத்து பாடல்களை எழுதி கொண்டிருந்த சினேகன், ‘ராம்’ படத்தில் வந்த “ஆராரிராரோ”, பாண்டவர் பூமி படத்தில் வந்த “அவரவர் வாழ்கையில், ஆயிரம் ஆயிரம் மாற்றங்களை” என்கிற பாடல்கள் மூலம் எட்டுத்திக்கும் பிரபலமானார்.
அங்கிருந்து கட் பண்ணா விஜய் டிவி பிக் பாஸ்க்கு வந்தார், அப்படியே தனது திறமையால் உடனிருக்கும் போட்டியாளர்களுடன் ஈடுகொடுத்து இரண்டாம் இடத்திற்கு வந்து, பொது மக்கள் மத்தியில் பரவலாக பேசப்பட்டார். இவர் பங்கேற்ற முதல் சீசனில் இவரை பார்க்க இவரது தந்தை வந்த எபிசோட் இன்று அளவிற்கும் மிக பிரபலம்.
இந்தநிலையில், பிக்பாஸ் முடிந்த பிறகு கமல் கட்சியில் இணைந்த சினேகன், அவருக்கு உறுதுணையாக பக்கபலமாக இன்றுவரை இருக்கிறார். மேலும், சினேகனுக்கு விரைவில் திருமணம் நடைபெற இருப்பதாகவும், இந்த திருமணம் நடந்தால் கமல் தலைமையில் தான் நடக்க வேண்டும் என்பதற்காக கமல்ஹாசனிடம் தேதி கேட்டு இருப்பதாகவும், அவர் தேதி கொடுத்தவுடன் அந்த தேதியில் திருமணத்தை நடத்த முடிவு செய்திருப்பதாகவும் கூறப்பட்டது.
இந்த நிலையில் கவிஞர் சினேகன், நடிகை கன்னிகாவை காதல் திருமணம் செய்ய இருப்பதாக தகவல்கள் வருகிறது. இவர்களது திருமணம் சென்னையில் வரும் 29ஆம் தேதி நடைபெற இருப்பதாகவும் கூறுகிறார்கள்.
Views: -
8
8
